Spring Ecofest 2025

Անցկացնելու է վարպետ Օլգան, տևողությունը՝ 1 ժամ

Միանգամյա օգտագործման պլաստիկ սպունգների փոխարեն՝ ոճային և օգտակար պարագա՝ պատրաստված բնական ջուտից։ Վարպետության դասի ընթացքում յուրաքանչյուրը կկարողանա պատրաստել պրակտիկ և դիմացկուն էկո-սպունգ։ Պարզ գործընթաց և հաճելի մթնոլորտ․ հրաշալի հնարավորություն՝ օգտակար ժամանակ անցկացնելու ի նպաստ կենցաղի և բնության։

Անցկացնելու է YerevanPlants վարպետը, տևողությունը՝ 1 ժամ

Տնային բույսերը ոչ միայն “կանաչ ընկերներ” են, այլև՝ տան ջերմության մի մասնիկ։ YerevanPlants-ի վարպետության դասի ընթացքում հնարավոր կլինի խնամքով վերատնկել բույսը և բնական նյութերի օգտագործմամբ զարդարել ծաղկամանը յուրահատուկ ոճով։ Մի փոքր հող, ջերմություն և ոգևորություն, ու ձեր տան կանաչ անկյունը կապրի նոր շնչով։

Անցկացնելու է վարպետ Զոյա Դուտովան, տևողությունը՝ 1 ժամ

Փոշոտող միջատները քաղաքային էկոհամակարգի կարևոր մաս են, և հատկապես ամռան շոգին նրանց համար բարդ է ջրի ապահով աղբյուրներ գտնելը։ Plants&People համայնքի համահիմնադիր, էկոլոգ և ագրոնոմ Զոյայի հետ միասին մասնակիցները պատրաստելու են մեղուների ու թիթեռների համար ջրամաններ, որոնք հնարավոր կլինի տեղադրել պատշգամբում, բակում կամ զբոսայգում։ Սա պարզ, բայց քաղաքի բնության հանդեպ խնամքի կարևոր քայլ է։

Անցկացնելու է վարպետ Աշին, տևողությունը՝ 1 ժամ

Բնական մոմը ոչ միայն ինտերիերի հաճելի մասնիկ է, այլև՝ պատմություն, յուրահատուկ բույր ու բնական ջերմություն ունեցող մի բան։ Վարպետության դասի ընթացքում կպատրաստեք այդպիսի մոմ, կիմանաք բնական մոմի առանձնահատկությունները, և կհասկանաք, թե ինչու է դա էկոլոգիապես մաքուր ընտրություն։ Մեդիտատիվ և ջերմ գործընթաց, որից հետո մարդ ցանկանում է հանգստանալ, խոր շունչ քաշել և կրակ վառել, ինչը կստեղծի ջերմություն, լռություն ու մեղմ լույս։

Անցկացնելու է STOLYARKINO արհեստանոցը, տևողությունը՝ 1,5 ժամ

СТОЛЯРКИНО-ն «հայրիկի արհեստանոցի» պես մի տեղ է, որտեղ երեխաները ծանոթանում են իսկական արհեստներին և իրենց ձեռքերով տարբեր իրեր պատրաստում։ Վարպետության դասի ընթացքում պատանի մասնակիցները փորագրելու և գունավորելու են փայտե մեդալներ, ձեռքի տակ առկա նյութերից հավաքելու են ինքնաթիռներ, ինչպես նաև կարողանալու են ընտրել որևէ ստեղծագործություն՝ ծաղիկ կամ մեքենա, որը սղոցելու, փորագրելու և զարդարելու են։ Ամեն ինչ շատ պարզ է, անվտանգ և ոգևորող՝ փայտ, ջերմություն ու ստեղծագործ աշխատանք․ ահա մանկական զբաղմունքի հրաշալի բաղադրատոմսը։

Անցկացնելու է ArtLav արհեստանոցը, տևողությունը՝ 1 ժամ

ArtLav ստուդիան կսովորեցնի կավից պատրաստել ոճային կուլոններ՝ բույսերի հետքերով։ Դուք կընտրեք տերևներ, ծաղիկներ կամ խոտաբույսեր, կթողնեք դրանց հետքերը կավի վրա և ձեռքով կգունավորեք կուլոնը։ Դուք ոչ միայն կմասնակցեք ստեղծագործ պրոցեսին, այլև ձեռք կբերեք ոճային աքսեսուար, որը կարելի է վերցնել մեկ շաբաթ անց՝ չորացումից և թրծումից հետո, ArtLav արհեստանոցում։ Ստեղծե՛ք ձեր՝ բնությունից ոգեշնչված յուրօրինակ զարդը և վերցրե՛ք այն քաղաքի ամենաստեղծագործ վայրերից մեկում։

Անցկացնելու է ARTPEVKO արհեստանոցը, տևողությունը՝ 1 ժամ

Այս վարպետության դասը գործելու է գրեթե ամբողջ օրվա ընթացքում, դասին կարելի է միանալ ցանկացած պահի։ artpevko.yerevan-ի հետ միասին մասնակիցները կստեղծեն իրենց յուրօրինակ հավերժական օրացույցը, կգունավորեն և կտանեն իրենց հետ։ Այս ստեղծագործ զբաղմունքը գիտակցման, ժամանակի և ձեռքի աշխատանքի հաճույքի մասին է։ Մասնակցության համար՝ նվիրատվություն (donation):

Dramatic-ը արծաթից և բնական քարերից ձեռագործ զարդերի երևանյան բրենդ է, որը պատրաստում է մատանիներ, կուլոններ և ականջօղեր։ Ամեն զարդ յուրահատուկ է իր տեսակով, շատերը պատրաստվում են ըստ անհատական պատվերների։ Բրենդի փիլիսոփայության հիմքում ռեսուրսների խնայող և մտածված օգտագործումն է․ զարդերը պատրաստվում են փոքր քանակությամբ՝ ավելորդ արտադրությունից խուսափելով։

30-ամյա փորձ ունեցող վարպետ և կոչումով բնապահպան Օլյան ստեղծում է յուրօրինակ իրեր՝ recycle և upcycle ոգով։ Տոնավաճառում դուք կգտնեք հեղինակային պայուսակներ, բանալեկալներ, ինչպես նաև ջուտից, վերամշակված նյութերից ու հին ջինսերից պատրաստված անձեռոցիկներ։ Յուրաքանչյուր իր լի է բնության հանդեպ հոգատարությամբ և ունի ընտանեկան պատմության մի մասնիկ․ որոշ աշխատանքներ Օլյան ստեղծում է իր դստեր հետ միասին։

Բազմակի օգտագործման մոմե անձեռոցիկը միանգամյա օգտագործման անձեռոցիկների ոճային և էկոլոգիապես մաքուր այլընտրանք է։ Bee Green-ը ստեղծում է այլընտրանք պոլիէթիլենին՝ մեղրամոմից և բնական գործվածքից պատրաստված։ Անձեռոցիկները լիովին պահպանում են մթերքի թարմությունը, կարող են օգտագործվել բազմակի ու միանգամայն անվտանգ են մարդու և բնության համար։

Hoja-ն բնական կոսմետիկայի բրենդ է՝ ոգեշնչված բնությունից և Երևանից ոչ հեռու գտնվող Hoja place բաղնիքից։ Այդտեղ պատրաստում են ուրցով, եղեսպակով ու ծիրանով բնական օճառ, հիդրոլատներ և տեղական խոտաբույսերով թեյեր։ Ամեն ինչ արտադրվում է ձեռքով՝ բնական բաղադրիչների կիրառմամբ։

Հասմիկ Հոխիկյանը թխում է ամբողջական ալյուրով թթխմորից հաց՝ համադրելով ավանդական բաղադրատոմսերը ստեղծագործ մոտեցման հետ։ Տեսականին ընդգրկում է ընկույզով, սերմերով, բուրավետ խոտաբույսերով, ինչպես նաև դասական տարբերակներ։ Ամեն մի հացը թխվում է սիրով, բնական բաղադրիչների նկատմամբ հարգանքով և իդեալական համի ձգտումով։ Տոնավաճառում Հասմիկը կներկայացնի իր համեղ տեսականին՝ թե՛ գուրմանների, թե՛ առողջ ու արդար սնունդ գնահատողների համար։

Mi Bour-ն առաջարկում է հայկական ավանդական համեր՝ ապագայի հանդեպ հոգատարությամբ։ Նախաձեռնությունն աջակցում է սահմանամերձ գյուղերին և զարգացնում տեղական ձեռքի արտադրանքը։ Տոնավաճառում կներկայացվեն Արենի տեսակի խաղողից պատրաստված բնական դոշաբներ՝ առանց շաքարի, մասուրով և մեղրով։ Արտադրված է սիրով, խնամքով և հարգանքով դեպի հայրենի հողն ու դարավոր ավանդույթները։

Nari Craft Studio-ն պատրաստում է շոփերներ՝ հոգով ու իմաստով։ Յուրաքանչյուր ասեղնագործ պայուսակ հիշեցում է բնության հետ բոլորիս կապի մասին։ Էկոլոգիական նյութերը, գիտակցված մոտեցումն ու ասեղնագործությունը՝ ասես անբառ լեզու, առանձնահատուկ են դարձնում այս պայուսակները։ Տոնավաճառում ներկայացվելու է բացառիկ շոփերների հավաքածու՝ ստեղծված սիրով և մեր մոլորակի հանդեպ հոգատարությամբ։

Cutieway․ զարդեր՝ հոգով ու մանրուքների նկատմամբ ուշադրությամբ լի։ Տոնավաճառում բրենդը կներկայացնի վերամշակված նյութերից պատրաստված ոճային աքսեսուարներ, ինչպես նաև upcycled-զարդեր, որոնցում հին իրերը հեղինակային վերաիմաստավորման շնորհիվ նոր կյանք են ձեռք բերում։

Sh Art — խնամքի կոսմետիկա է բնական, ստուգված բաղադրիչներով։ Պարունակում է միայն անվտանգ նյութեր՝ առանց ներկանյութերի, բուրահաղորդիչների, պարաբենների և սուլֆատների։ Բրենդը հոգում է բնության մասին․ արտադրանքի մի մասն առանց փաթեթների է, մյուսը՝ այնպիսի տարայով, որ կարելի է վերամշակել կամ նորից օգտագործել։

Yojikceramics — հեղինակային կերամիկայի բրենդ է, որտեղ միահյուսված են հեքիաթայնությունը, շոշափելիությունն ու հարմարավետությունը։ Յուրաքանչյուր ստեղծագործությունը՝ բաժակը կամ ափսեն, պատրաստվում է ձեռքով և փոքրիկ պատմության կրող է դառնում։ Յուրահատուկ «ծալք» սպասքը դարձնում է արվեստի գործ, որում կան մանրակերտ արձանիկներ, բնապատկերներ կամ ֆանտաստիկ կերպարներ։ Կերամիկան ստեղծվում է եզակի օրինակով, և յուրաքանչյուր ստեղծագործություն ասես մուտքի դուռ է դեպի այլ աշխարհ։

Երեխաների և մեծահասակների համար օգտակար քաղցրավենիք՝ առանց գլյուտենի, ռաֆինացված շաքարի և տրանսճարպերի։ Միմիայն բնական և սննդարար բաղադրիչներ՝ գերագույն համ և առողջության մասին ուշադրություն։ Վայելե՛ք սիրելի քաղցրավենիքն առանց կազմվածքին վնաս հասցնելու։

Armine Dzeragorc Ashxatanqner-ը բամբակյա գործվածքից կարված և սինտեպոնով լցված պոզիտիվ խաղալիքներ են։ Խաղալիքները ներկված են անվտանգ ներկերով, որոնք չեն գունաթափվում լվացքից և պահպանում են վառ գույները երկար ժամանակ։ Էկոլոգիապես մաքուր, դիմացկուն և սիրով պատրաստված այս խաղալիքները ուրախություն են պարգևում թե՛ երեխաներին, թե՛ մեծահասակներին։

NELLI.CRAFTS-ի ձեռագործ զարդերում ապրում է Հայաստանի բնաշխարհը։ Յուրաքանչյուր զարդի մեջ՝ իսկական ծաղիկներ ու խոտաբույսեր, ձեռքով հավաքված և չորացված բույսեր։ Հավաքածուն ներառում է ականջօղեր, մատանիներ, բրոշներ, կուլոններ և բանալեկալներ։ Տեսականին փոքր է ու գիտակցված՝ առանց ավելորդությունների, առանց թափոնների և շրջակա աշխարհի փխրուն գեղեցկության հանդեպ հարգանքով։

Franken Bug is clothing with a story and soul. Made from previously worn materials, pieced together like finding yourself again after a storm — boldly, honestly, and authentically. The brand is driven by the idea of freedom to be yourself, to reject norms, and to cherish what still breathes. It’s a challenge to uniformity and a soft “yes” to one’s beautiful weirdness. Every item has its own “bug” — and that’s where the superpower lies.

craftbycat is a cozy universe of custom second-hand clothing, clay jewelry, and charming accessories — all crafted with paws (and, of course, with love). Every piece has a personality, a story, and a soul. It doesn’t just wait to be bought — it waits to find its person. Try something on, and you might just discover it’s meant for you.

TarTu & Co-ն ջերմ, հագեցնող և հոգով լի խոհանոց է, որտեղ ամեն բաղադրամաս իր տեղում է, ամեն ուտեստ պատրաստվում է սիրով։ Ավելի քան 10 տարի թիմը սնունդ է մատուցում երեխաներին և մեծահասակներին դպրոցներում, մանկապարտեզներում, ակադեմիաներում, ինչպես նաև միջոցառումների ընթացքում, ուր կարևոր են համն ու հոգատարությունը։

Փառատոնի ընթացքում TarTu & Co-ն պատրաստելու է հավի նագեթսներ, գերմանական նրբերշիկներ (հավի, խոզի, տավարի), մինի-բուրգերներ, խորոված, քաբաբ, հոթ-դոգեր, գյուղական կարտոֆիլ, սենդվիչներ, բուրգերներ (նաև պանրով) և տնական սոուսներ՝ պանրային, կետչուպ, տոմատի ու ֆիրմային "TarTu"։

Arevik Lounge-ը բնության գրկում համեղի և հաճելիի մասին է․ գեղատեսիլ լճափին ավելի քան 15 տարի աշխատող այս սրճարանը հայտնի է իր գաստրոնոմիկ երեկոներով և երաժշտական ծրագրերով։

Փառատոնի ընթացքում Arevik Lounge-ը հյուրերին առաջարկելու է մանղալի վրա պատրաստված ուտեստներ, խորոված, հավի թևիկներ, սենդվիչներ, աղցաններ, պիցցա և տեղական մթերքից պատրաստված խորտիկներ։

Kruzhok-ը ժամանակակից բուսական սննդի սրճարան է, գտնվում է Կենտրոնի ծայրամասում։ Նրանց մենյուն պարբերաբար թարմացվում է, ավելանում են special-ներ և անցկացվում են բրանչներ հյուրերի համար։ Փառատոնին նրանց ներկայացնելու են զովացուցիչ ամառային ապուր, գրիլ-սենդվիչներ և ֆիրմային օնիգիրազուներ։

Ըմպելիքները ներկայացնելու է կոմբուչա-տրոլը, որը դուրս է գալու իր որջից և հյուրասիրելու է թեյեր և կոմբուչա։ Ի դեպ, եթե դուք ունեք կոմբուչայի դատարկ շշեր, բերեք իրենց տաղավար։ Կոմբուչա-տրոլը չի սիրում դատարկ շշեր, սիրում է նորից օգտագործել այդ շշերը արտադրության ընթացքում։

Մեր թեյարանը կարծրատիպերից և ստանդարտներից ազատ տեղ է։ Վստահ ենք, որ մարդիկ են մեր կյանքում ամենակարևորը, իսկ թեյը ծանոթանալու և շփվելու հրաշալի առիթ է։ Ուստի այն ամենն, ինչ մենք անում ենք «Միշտ թեյ»-ում, անում ենք հոգով, ի սրտե, չձգտելով համապատասխանել այլոց սպասելիքներին։