Green Green Logo

Թափոնների տեսակավորում Երևանում

2024 թ․ օգոստոսի 10-ից Vega խանութների ցանցում մեկնարկել է մարտկոցների և կուտակիչների ընդունումը։ Այս պահի դրությամբ, դա միակ ընկերությունն է, որն ունի վտանգավոր թափոնների (օր․՝ մարտկոցների) հավաքման, պահպանման և վերամշակման լիցենզիա։

Մարտկոցների համար արկղերը տեղադրված են Երևանի բոլոր Vega խանութ-սրահներում, սեպտեմբերին նախատեսվում է արկղերի տեղադրում Հայաստանի այլ քաղաքներում ևս:

VEGA խանութների ցանց

VEGA խանութների ցանց

Կարելի է

  • Ալկալիական (Alcaline), աղային և լիթիումական մարտկոցներ՝ ցանկացած form factor․ АА, ААА, 9V և այլն
  • Հաբ-մարտկոցներ․ լիթիումական (Lithium, CR), ալկալիական (LR), արծաթային (Ag), արծաթ-ցինկային (SR), օդացինկային (PR), սնդիկ-ցինկային (MR)
  • Լիթիում-իոնային մարտկոցներ (Li-Ion, Li-Pol, Ni-MH, Ni-Cd, Ni-Zn և այլն) շարժական սարքերից՝ հեռախոսներ, նոթբուքեր, միանգամյա օգտագործման սիգարետներ և այլն
  • Էլեկտրական գործիքների մարտկոցներ (Li-Ion և այլն)՝ պտուտակահանների (шуруповерт), պերֆորատորների կամ այլ գործիքների

Չի կարելի

  • Թթվակապարային կուտակիչներ՝ ավտոմոբիլային, մոտոցիկլետային, ԱՍԱ (UPS) կուտակիչներ
  • Ամբողջական էլեկտրոնային սիգարետներ
  • Կուտակիչ պարունակող ամբողջական սարքեր

Ինչպե՞ս պատրաստել թափոնները հանձնման համար

  • Մարտկոցներն ու կուտակիչները պետք է հանձնել ցանկում առկա խանութներում տեղադրված հատուկ արկղերի մեջ
  • Մարտկոցներն ու կուտակիչները կարելի է հանձնել միայն սարքերից առանձին
  • Ձեր իսկ անվտանգության համար մի՛ փորձեք հանել այն մարտկոցները, որոնք դժվարությամբ են հանվում
  • Բավարար որակավորում չունենալու դեպքում խորհուրդ ենք տալիս դիմել համապատասխան վարպետի կամ սպասարկման կենտրոն
  • Եթե դուք ունեք փքված կուտակիչ, մի՛ ծակեք այն, մի՛ փորձեք լիցքավորել կամ այլ կերպ օգտագործել

Ինչու՞ Էկոկենտրոնում մարտկոցներ չեն ընդունում

Ցավոք, ակտիվիստների կողմից մարտկոցների հավաքումն առանց լիցենզիայի ենթակա է վարչական պատասխանատվության։ Green Green-ը «էկո-ակտիվիստների» մատնությամբ տուգանվել է 550 հազար դրամով՝ մարտկոցների հավաքման համար, իսկ հավաքված մարտկոցներն առգրավվել են և, ամենայն հավանականությամբ, նետվել աղբանոց իշխանությունների կողմից։ Ուստի մենք չենք կարող կազմակերպել մարտկոցների ինքնուրույն ընդունում, նույնիսկ Vega փոխանցելու համար։

Կոչ ենք անում Հայաստանի իշխանություններին թույլատրել մարտկոցների և նմանատիպ թափոնների հավաքումը այնպես, ինչպես դա արվում է Ռուսաստանում, որտեղ այդպիսի թափոնների կարճաժամկետ պահման համար չի պահանջվում լիցենզիա, և ակտիվիստները կարող են ինքնուրույն հավաքել մարտկոցներ ու հանձնել վերամշակման:

Ի՞նչ է լինելու հավաքված մարտկոցների հետ

Vega ընկերությունը տեսակավորելու է և պահպանելու է մարտկոցները հատուկ լիցենզավորված տարածքում: Վերամշակման մեկնարկի համար բավարար քանակի հավաքվելուն պես գնվելու է կամ վարձակալվելու է վերամշակման համար անհրաժեշտ սարքավորում: Որոշիչ գործոն է լինելու երկրորդային հումքի կուտակման արագությունը: