Green Green մաքրահավաքի մասնակցության կանոններ

1. Պատրաստվել մասնկացությանը

1.1. Հագնվե՛ք եղանակին համապատասխան, կրեք հարմարավետ և դիմացկուն հագուստ՝ երկար թևերով և տաբատներով՝ կտրվածքներից և քերծվածքներից խուսափելու համար

1.2 Հագե՛ք ամուր կոշիկներ (արշավային կամ ճտքավոր կոշիկներ)` կայուն կանգնելու և սայթաքումներից խուսափելու համար։

1.3. Օգտագործե՛ք գլխարկ/կեպի արևահարվելուց ու ջերմային հարվածներից խուսափելու համար։

1.4. Եթե ձեզ անհրաժեշտ են հատուկ դեղամիջոցներ, օրինակ՝ ալերգիայի դեմ, անպայման վերցրե՛ք դրանք ձեզ հետ։ Կազմակերպիչներն ունեն առաջին բուժօգնության տարրական հավաքածու։

Ցանկալի է խմելու ջուրը վերցնել բազմակի օգտագործման տարայով կամ շշով, սակայն անհրաժեշտութան դեպքում ջրի համար կարելի է դիմել համակարգողներին։

Օգտագործե՛ք արևապաշտպան քսուք (spf/sunscreen), նույնիսկ ցածր ջերմաստիճանի դեպքում, արևի տակ աշխատելիս կա արևահարվելու վտանգ։

2 Մաքրահավաքի ժամանակ վարքը.

2.1 Հետևե՛ք խմբի համակարգողի հրահանգներին, քանի որ նա ծանոթ է տարածքին և հետևում է ձեր անվտանգությանը։

2.2 Զգուշացե՛ք թաց քարերից ու սայթաքող մակերեսներից, հատկապես անձրևից հետո և ջրի մոտ։

2.3 Պահպանե՛ք տեսողական կապը խմբի անդամների հետ, անհրաժեշտության դեպքում, պատրա՛ստ եղեք հասնել օգնության։

2.4 Եթե զգում եք թուլություն կամ հոգնածություն, դադարե՛ք աշխատել, քանի որ նույնիսկ չնչին թուլությունը կարող է հանգեցնել դժբախտ պատահարների։

2.5 Օգտագործե՛ք անհատական պաշտպանիչ միջոցներ` ձեռնոցներ, ակնոցներ, փոշուց պաշտպանող դիմակներ, որպեսզի ապահովեք լրացուցիչ անվտանգություն վտանգավոր տարածքներում աշխատելիս։ Չունենալու դեպքում դիմե՛ք համակարգողներին։

2.6. Ընկնելու և վնասվածք ստանալու դեպքում անմիջապես դիմե՛ք համակարգողին. ձեզ կցուցաբերեն առաջին օգնություն և կկանչեն անհրաժեշտ ծառայություններ։

3 Լանջին աշխատելու դեպքում.

3.1. Ընտրե՛ք անվտանգ ուղի, որն առաջարկում է համակարգողը։ Կատարե՛ք փոքր, վստահ քայլեր ձեր շարժման վերահսկողության և սայթաքելու կամ ընկնելու ռիսկի նվազեցման համար։

3.2. Աշխատե՛ք միայն դեմքով դեպի լանջը` պահպանելով մի փոքր առաջթեքում կայունության համար։

3.3. Բարձրանալիս կամ իջնելիս տեղաշարժվե՛ք կողքանց և քայլելիս օգտագործե՛ք ոտնաթաթի կողմնային հատվածը (կողը) զառիվեր լանջերին կայունության համար։

3.4 Խուսափե՛ք կտրուկ, անսպասելի շարժումներից, որոնց պատճառով կարելի է կորցնել հավասարակշռությունը։ Տեղաշարժվե՛ք սահուն, վստահ քայլերով։

3.5. Մի՛ կանգնեք միմյանց վերևում ու զե՛րծ մնացեք ձեզանից վերև աշխատող որևէ մեկից վար գտնվելուց։

4. Բնության գրկում աշխատելու դեպքում.

4.1. Անպայման վերցրե՛ք մոծակների և տզերի դեմ միջոցներ։ Տաք կլիմայի պատճառով տզերի սեզոնը Հայաստանում գրեթե երբեք չի ավարտվում։

4.2. Մի՛ դիպչեք և մի՛ փորձեք բռնել վայրի կենդանիներ, օձեր և միջատներ։ Ցանկացած օձի համարեք թունավոր։ Հնարավոր հպման դեպքում խուճապի մի՛ մատնվեք և անպայման տեղեկացրե՛ք համակարգողին։

4.3. Տեղաշարժվելիս մի՛ շեղվեք այն արահետից, որով ձեզ ուղեկցում է համակարգողը, խուսափե՛ք թավուտներից, կենդանիների բներից։ Մի՛ նստեք գետնին և ծառերի վրա առանց համոզվելու դրանց անվտանգության մեջ։

4.4. Ոչ մի դեպքում մի՛ հետապնդեք փախչող կենդանիներին` շներին, օձերին և այլն։ Նրանք բնազդաբար կփորձեն փախչել վտանգից` ի դեմս մարդու, ուստի մի հրահրեք հարձակում։

4.5. Մի՛ հավաքեք և մի՛ կերեք հատապտուղներ, նույնիսկ եթե վստահ եք, որ դրանք անվտանգ են։ Ջրամբարներից ջուր մի՛ խմեք։

4.6. Խորհուրդ չի տրվում օգտագործել օծանելիք, քանի որ ուժեղ հոտերը կարող են հրապուրել միջատների։

⚠️ 5. Թեև կազմակերպիչներն աշխատում են ապահովել ձեր անվտանգությունը, այնուամենայնիվ դուք ինքնուրույն պատասխանատվություն եք կրում ձեր անվտանգության համար։

Տես նաև: Կամավորների հուշաթերթ Դառնալ կամավոր